Вселенскиот Патријарх кон Црквата на Србија: Вашиот белокос и почитуван Патријарх заспал!

In other languages: GRBG

Превод: Методиjа Петрески

Неговата Божествена Сесветост Вселенскиот Патријарх г. г. Вартоломеј испрати писмо со сочувство до Црквата на Србија за упокојувањето на секогашспоменуваниот Српски Патријарх г. г. Иринеј. „Вашиот белокос и почитуван Патријарх заспал!“

До светата Црква на Србија,

За Белград.

Вашиот белокос и почитуван Патријарх заспал!

Сите ние во Фанар со тага го примивме оваа жална вест и побрзавме да ги изразиме срдечните сочувства на Вселенската Патријаршија и лично на нашата Милост до сестринската Света Црква на Србија со уверение, дека засилено се молиме на Оној, Кој има власт над мртвите и живите наш Господ, да ја упокои неговата душа, за да се пресели од нас во царството на живите, да биде награден поради неговите долгогодишни и блескави заложби во полза на Црквата, а од друга страна – да биде одликуван со достоен негов наследник, кој ќе го преземе кормилото на овдовената сестринска Црква, со кого имаме намера да соработуваме за нашите двострани односи и за сеправославното единство и соработка.

Вечен спомен и блажен крај на незаборавливиот наш брат Патријарх Иринеј!

Со братска љубов,

+ Патријарх Вартоломеј

Фанар, 20 ноември 2020“.

✎ КОМЕНТАРИ • COMMENTS ✎